多倫多星級安居服務 (Stream B (OWP) , Stream A)
相信啱啱移民嘅生活。呢個時候，可能會有一種徬徨無助嘅感覺，呢種感覺可能會影響到你嘅心情，因為去到一個全新嘅地方有好多嘢要去處理。呢啲嘢可能喺搵落腳地方、搵邊間電訊商好、去到加拿大點搭車等等。
IMMISO知道你哋嘅困難同埋煩惱，所以貼心咁推出咗新嘅服務 —— 星級安居服務，等你哋可以安心移民，唔洗咁麻煩仲走少啲彎路。我哋嘅專業嘅團隊會幫你安頓曬所有嘢，等你哋可以煩少好多瑣碎嘢，直接就可以執行李就起程。
按此了解更多:
第一步: 幫你搵落腳地點 —— 唔洗驚冇地方暫住
去到一個新嘅環境，最緊要梗係住！住喺生活好重要嘅一部分，如果搵唔到屋真係會好頭痕，住唔好又會唔開心。如果大家唔洗煩住屋問題，真係可以多咗時間去做其他嘢，例如搵工、識朋友、幫小朋友搵學校等等。
IMMISO喺多倫多有強大嘅網絡，當地顧問已經聯絡咗當地嘅屋主，可以提供一個暫住處，等你可以唔洗擔心租唔到暫住嘅地方。我哋會喺你出發之前會協助你搵落腳地點嘅暫住處，呢個暫住處有最少一間房同埋一個獨立廁所，亦可以住得大啲，呢個環視乎返你嘅人數而定。根據救生艇懶人包瀏覽用戶嘅意見，搵一個理想地區嘅暫住處可以方便落地,跟住現場睇樓，搵自己啱嘅長期住屋。
小貼士：唔少人可能會去到加拿大租Airbnb或者酒店，但係大多數嘅Airbnb或者酒店都係唔會顯示詳細嘅地址，咁樣會令到你好麻煩，因為喺離港前知道地址，可以方便落地嘅時候申請當地嘅銀行戶口、電話號碼和稅務編號等等。除咗地址之外，Airbnb或者酒店嘅價錢相對貴好多，所以當地顧問唔建議喺Airbnb或者酒店暫住。
IMMISO 當地顧問可代你哋同暫住處房東磋商租金、暫住處租期，短至可以暫住兩星期長至兩個月，等你慢慢去搵心儀嘅住屋！
如果你冇理想嘅地區，唔知道去邊個地區嘅話，唔洗擔心，IMMISO顧問
會建議落腳地點嘅位置！
按此了解更多:
第二步: 專車接送暫住處 —— 唔洗驚人生路不熟！
搭完長途機，相信你會好攰，唔想再搵邊度有得坐巴士，坐完巴士要點行、或者搵的士站又曬排長龍，攞住咁多行李一定好唔方便！
呢個時候, IMMISO會安排專業嘅司機去到機場接你機，接送嘅司機有專業嘅素質同埋舒服嘅車，就算你班機延遲都好，司機都會等到你為止。司機嘅語言可以揀同聲同氣嘅廣東話，英文或者係普通話，溝通完全冇障礙！
小貼士：拖住好重嘅行李箱逼巴士或地鐵真係會好攰，專車接送令到行程安全無憂，省返時間之餘最緊要係快！
如果你班機係下午2：00前到達多倫多機場, IMMISO會安排司機陪你喺暫住處附近買啲生活用品，可以去華人超市買嘢食，或者去加拿大嘅10蚊店都得！之後再陪埋你開埋當地銀行戶口。
如果你班機係2：00後，等你充好電第二日先再陪你去附近買生活用品同埋開當地銀行戶口。
第三步: 當地生活起步規劃 —— 租屋搭車冇難度 ！
啱啱嚟到多倫多，冇入息證明又冇信用報告會有啲難租屋，通常啲睇屋經紀可能唔會覆，甚至喺失約。IMMISO當地顧問可以幫你解決呢個問題，幫你聯絡經紀安排參觀心水嘅住屋或樓盤，代你同業主提出你想租或買嘅價位，代你同業主協商及覆核租約，安排繳交按金或租金，交匙前陪同睇樓協助檢查細節，代你同業主協商及正式簽約，租樓後仲會提供網上支援睇下仲有咩可以幫到手，確保所有嘢都順利！
小貼士：租屋買屋如果租到唔啱可以好麻煩，一般租樓都需要半年至一年租金。如果有IMMISO團隊幫你就唔洗咁麻煩，省返唔少時間同埋精力，可以有效率咁搵到適合自己嘅屋！
當地顧問可以預先幫你申請當地交通卡(presto card) ，呢張卡好似香港嘅八達通咁，入面有10 Cad 儲值費用。
按此了解更多:
附加服務 : 想快啲適應加拿大生活？附加服務助你少煩惱！
當地顧問可以預先預先申請當地手提電話號碼、當地網絡服務，享受低於當地門市申請嘅月費計劃。
除咗呢啲，仲可以網上協助申請醫療保險卡、社會保險號碼。如果你想租或買車服務、教車師傅咨詢、補鐘，IMMISO當地顧問都可以幫到你！
想即刻體驗星級安居服務無後顧之憂？心動不如行動，快啲聯絡IMMISO，我哋等緊你吖！
按此了解更多:
